Parandalimi dhe Rritja e Reziliencës ndaj Ideologjive Anti-gjinore dhe Ekstremit të Djathtë

Ky projekt synon të hulumtojë dhe adresojë ndikimin e gjuhës së urrejtjes me bazë gjinore dhe narrativave anti-gjinore, të cilat shpesh promovohen nga grupime të ekstremit të djathtë përmes mediave tradicionale dhe rrjeteve sociale. Përmes analizës kritike të përmbajtjes mediale dhe diskursit publik, projekti synon të zbulojë mënyrat në të cilat këto ideologji kontribuojnë në normalizimin e dhunës simbolike dhe fizike ndaj grave, komuniteteve LGBTQ+ dhe aktivistëve të të drejtave të njeriut.

Objektivat kryesore të projektit përfshijnë:

1. Rritjen e ndërgjegjësimit publik mbi rreziqet që paraqesin ideologjitë anti-gjinore, veçanërisht ato që shënjestrojnë gazetarët dhe aktivistët që trajtojnë çështje të barazisë gjinore dhe të drejtave të njeriut.
2. Përfshirjen e institucioneve të sigurisë në njohjen dhe trajtimin e ideologjive anti-gjinore si formë e ekstremizmit të djathtë, si dhe fuqizimin e mekanizmave parandaluese për të shmangur përshkallëzimin e tyre në akte të dhunshme ndaj gazetarëve dhe aktivistëve.

Ky projekt implementohet në kuadër të projekti “Forcimi i Rolit dhe Kapaciteteve të Gazetarisë Investigative në Kosovë” (Nr. i Kontratës 2024/461-340) i cili financohet nga Bashkimi Evropian i përfaqësuar nga Komisioni Evropian dhe zbatohet nga BIRN Kosova.

Periudha e implementimit: 1 gusht 2025 - 31 maj 2026