4/10/2019
QKSS ka organizuar trajnimin për hulumtues në terren për edicionin e nëntë të Barometrit Kosovar të Sigurisë (QKSS). Trajnimi u organizua të preten, më 04 tetor 2019 dhe u mbajt nga Hulumtuesi i QKSS-se, Skender Perteshi. Në këtë trajnim ishin të pranishëm 30 pjesëmarrës të cilët janë përzgjedhur si hulumtues për këtë edicion të Barometrit.
Pjesa e parë e trajnimit iu dedikua kryesisht prezentimit të përgjithshëm dhe rëndësisë që ka Barometri si dhe u bë prezentimi i stafit të QKSS përgjegjës për këtë projekt dhe pjesëmarrësve të tjerë në trajnim.
Ky sesion gjithashtu përfshiu edhe diskutimin e gjerë mbi metodologjinë dhe rregullat të përgjithshme të punës në teren.
Ndërkaq, në pjesën e dytë u diskutua për pyetësorin dhe u shtjelluan në detaje të gjitha pyetjet nga ana e prezentuesve dhe hulumtuesve. Hulumtimi në terren do të fillojë më 08 tetor 2019 dhe do të zhvillohet ne 38 komunat e Kosovës ku do të intervistohen 1200 amvisëri.
Barometri Kosovar i Sigurisë mbështetet nga National Endowment for Democracy (NED).
