11/12/2025
Sofje, 11 dhjetor 2025 – Konferenca ndërkombëtare “Komunikimi Strategjik në Evropën Juglindore: Rruga Përpara” po mbahet aktualisht në Sofje, e bashkë-organizuar nga Programi i Medieve i Konrad-Adenauer-Stiftung (KAS) për Evropën Juglindore dhe Forumi i Sigurisë së Sofjes.
Mentor Vrajolli, Drejtor Ekzekutiv i QKSS, po merr pjesë si i vetmi përfaqësues nga Kosova, duke u angazhuar aktivisht në diskutime me ekspertë dhe politikëbërës të njohur nga i gjithë rajoni. Ngjarja mbledh pjesëmarrës nga mbi 10 vende dhe fokusohet në forcimin e ekosistemeve të komunikimit strategjik, si dhe në adresimin e dezinformimit dhe kërcënimeve hibride. Agjenda përfshin një sesion publik të nivelit të lartë në orët e paradites me mbi 100 pjesëmarrës nga fusha të ndryshme, i ndjekur nga një diskutim me dyer të mbyllura pasdite me një grup të përzgjedhur pjesëmarrësish të ftuar nga Ballkani, rajonet e Detit të Zi dhe Baltikut, si dhe nga vendet e NATO-s, me fokus në komunikimin strategjik dhe bashkëpunimin për sigurinë rajonale.
