22/04/2024
Kemi kënaqësinë të ndajmë lajmet nga organizata jonë! Drejtori ynë Ekzekutiv, Mentor Vrajolli, është emëruar për të sherbyer në Komitetin Drejtues të Zyrës për Lidhje Evropiane për Ndërtimin e Paqes (EPLO)
Ky emërim jo vetëm që thekson udhëheqjen e jashtëzakonshme të Mentorit, por gjithashtu nënvizon kontributet e rëndësishme të organizatës sonë në fushën e ndërtimit të paqes dhe zgjidhjes së konflikteve.
Që nga fillimi dhe partneriteti ynë pasues me EPLO në vitin 2011, organizata jonë, (QKSS), ka mbetur e palëkundur në përkushtimin tonë për avancimin e përpjekjeve për ndërtimin e paqes. Nëpërmjet përfshirjes sonë aktive si në nivel lokal ashtu edhe në atë rajonal, ne kemi punuar vazhdimisht drejt parandalimit të konflikteve të dhunshme dhe nxitjes së paqes së qëndrueshme.
Emërimi i Mentor Vrajollit në Komitetin Drejtues të EPLO është një pasqyrim i përkushtimit të organizatës sonë për të promovuar paqen në një shkallë më të gjerë. Është një dëshmi e përpjekjeve të QKSS-se të palodhura dhe angazhimit të palëkundur për të krijuar ndryshime pozitive në rajon.
