Raporti për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit

Ky raport ofron një vlerësim bazë të dhunës në baza gjinore (DHBGJ) në Kosovë, me fokus në eksplorimin e trendeve dhe sfidave kyçe bazuar në këndvështrimet e komunitetit dhe të palëve të interesit. Raporti mbështetet kryesisht në të dhënat e mbledhura përmes intervistave me informues kyç (IIK) dhe diskutimeve në grupe të fokusit (DGF) ku u morën njohuri nga komunitetet e prekura gjatë artikulimit prej tyre të pranisë së kërcënimit, faktorëve që ndikojnë në përhapjen e fenomenit, dhe mënyrës se si ata e konsiderojnë duhet të jetë qasja për adresimin e tij. Edhe pse korniza ligjore dhe strategjike për dhunën në baza gjinore konsiderohet e avancuar dhe kryesisht në përputhje me standardet ndërkombëtare dhe rregulloret e BE-së, mungesa e financimit adekuat dhe normat patriarkale të rrënjosura thellë në shoqërinë e Kosovës e bëjnë të vështirë zbatimin e këtyre ligjeve në praktikë.