24/01/2019
Qendra Kosovare për Studime të Sigurisë me 24 Janar 2019, në bashkëpunim me organizatën Humani Centar nga Mitrovica, organizuan tryezën e radhës me komunitetin e Leposavic me titull “Rritja e besueshmërisë dhe dialogut në mes të komunitetit të Leposavicit dhe institucioneve të zbatimit të ligjit në Kosovë”.
Në këtë takim morrën pjesë përfaqësues të Policisë së Kosovës nga stacioni i Leposavicit, përfaqësues të këshillave lokal për siguri dhe përfaqësues të komunitetit shqiptar dhe serb të komunës së Leposavicit. Pjesëmarrësit deklaruan që bashkëpunimi mes qytetarëve dhe policisë në komunën e Leposavicit është i mirë, megjithatë mungesa e besimit karshi Policisë së Kosovës vjen si pasojë e mungesës së kapaciteteve me të cilat policia përballet në këtë komunë. Gjatë diskutimit u theksua rëndësia e bashkëpunimit në mes të institucioneve të zbatimit të ligjit, shoqërisë civile dhe komuniteteve lokale dhe ofrimi i trajnimeve shtesë për pjesëtarët e Policisë së Kosovës si hapa të rëndësishëm për rritjen e besimit në Policinë e Kosovës.
Ky aktivitet u organizua në kuadër të projektit"Rritja e besueshmërisë dhe dialogu ndërmjet komuniteteve joshumicë dhe institucioneve të zbatimit të ligjit në Kosovë i cili mbështetet nga Fondi Kanadez për Iniciativa Lokale (CFLI).
